كمال وجوده (5)

بقلم / ياسر رافع

بينما يجلس " جوده " على كرسى فى المقهى ممسكا بالموبايل منهمكا باللعب ، حتى سمع صوت " كمال" فرفع رأسه ليعرف مكانه ، فوجد كمال ممسكا بالموبايل يتحدث فيه على مسافه قريبه ،
كمال : ليه كدا يا دكتور ؟
المتصل ؟ ...............
كمال : طيب يعنى من الأخر علبة الكمامات هتبقى بكام ؟
المتصل : ...............
كمال : خلاص أنا هاخدها بنفس السعر القديم !!
المتصل : ........................
كمال : دى تلبسها إنت يا إبن الصرمه !!
المتصل : .............
كمال : يلا سلام ! مع السلامه !!

سلامات حاره متبادله بين كمال وجوده ، وبعدما جلسا سويا على الكراسى ، فنادى كمال على صبى المقهى ، الذى لبى النداء ، وقال " حاضر يا أستاذ كمال تؤمرنى " . هنا طلب كمال شاى فى كوبايه كرتونيه وليست زجاج ، وكذلك طلب لجوده نفس الطلب ، وهو ما قوبل من جوده بإندهاش ،

جوده : إيه يا كمال أول مرة تقول للواد بتاع القهوة هات شاى فى كوبايات كرتون !! إنت جالك كورونا
كمال : لا يا عم بعد الشر !! دا انا بس بعمل إحتياطيات علشان الموضوع بدأ يكبر تانى
جوده : علشان كدا إنت كنت بتتكلم فى الموبايل على كمامات
كمال : إيوه !! الأمر ميسلمش يا أبو الجود الإحتياط واجب
جوده مبتسما : وإنت والشهاده لله يا كمال حويط أوى !! بس قولى مين الدكتور اللى كنت بتشتمه فى الموبايل
كمال : دكتور إيه بس ! هوا فيه دكتور فى صيدليه ! دا الواد اللى بيبيع الكمامات بكبر فيه على ما آخد الكمامات بسعر كويس
جوده : كمامات أصلى ولا قماش من اللى مرميه على الأرض اللى شبه اللباس البكينى المستعمل
كمال : ههههههههههههه لا أصلى

صبى القهوه حضر يحمل صينية الشاى وعليها الأكواب الكرتونيه  ، ووضعها على الترابيزة ومشى ، ومد كل من كمال وجوده يده وأخد أحد الأكواب ، وبينما يرتشفان الشاى ،

جوده : سمعت يا كمال ، بيقولوا اللقاح الصينى نزل وهيطعموا بيه الناس ، بس هيبتدوا بالحالات الحرجه والأطباء وبعدين يلقحونا !!
كمال : عارف ! بس اللقاحات بيقولوا فيها مشكله !!!!
جوده : إيه خير ؟!
كمال : بيقولوا اللقاح الصينى نتايجه مش زى اللقاح بتاع فايزر ، ولا بتاع روسيا ولا بتاع أكسفورد ، وإن الجماعه بتوع أوروبا مش راضييين ياخدوا اللقاح علشان بيقولك فيه تكنولوجيا النانو اللى عاملين بيها شريحه تتحكم فى الإنسان ......
جوده : إنت عبيط يا كمال ! يعنى إحنا لا إخترعنا ولا معانا فلوس وكمان مش عاجبنا ، وشريحه إيه اللى هيحطوها فى الجسم ويتحكموا فينا ؟ دا إحنا من غير شريحه " مفرمطين دماغنا " ، نقعد قدام قنوات تركيا نقوم نعارض ، ونسمع أحمد موسى وبكرى نقوم نؤيد !! وبعدين إيه " النونو تكنولوجيا " دا  ؟!
كمال : ههههههههه يا غبى ! دى إسمها نانو تكنولوجى حاجه لو عرفتها تبقى وصلت للقمه ، أما النونو دا لما كانت بتهشكك وإنت صغير ..........

ههههههههههههههههههه ضحكات متبادله مع سباب وشتائم متبادله كعادة المصريين

جوده : بس الكلام الجد بقى أنا بردوا يا كمال خايف من الكلام اللى الناس بتقوله عن اللقاح
كمال : بص يا جوده ! الناس فى مصر بتحب أبو بلاش ! ولما أبو بلاش ييجى يقولك مضروب وشويه هتلاقيهم طوابير بياخدوا اللقاح الصينى ، وشويه الوباء هيختفى واللقاحات تنتشر ساعتها هتسمع كل الناس بتقولك أنا مأخدتش الصينى أنا أخدت الفايزر الغالى ، " عريان ....... يحب التأميز " .........
جوده : بس أنا لو معايا فلوس هشترى اللقاح الغالى .....................
كمال : إتوكس يا جوده !! دا إنت لما إتجوزت وقلت لمراتك عاوز آكل فى إطباق الخزف الصينى اللى فى النيش كانت ليلتك سودة ، ولحد دلوقتى بتاكل فى الإطباق الألمونيا ، إنت حافى هههههههههههه
جوده : هههههههههههههههههههه آه يا إبن " السايــ ... ه " إنت هتسيحللى على القهوه

وبينما يضحكان ويتلاسنان بالسباب بصوت عالى ، إلتفت بعض الجلوس على القهوه تجاههم ، ووجه أحد القريبين منهم حديثا لكمال ،

الجالس 1 : يا أستاذ كمال ، بيقولوا إن اللقاح بيسبب العجز الجنسى !! صحيح الكلام دا ؟
كمال : لا والله معرفش عن الموضوع دا ؟
جوده : إيه يا كمال موضوع الضعف الجنسى دا ! إوعى يكون بجد !
كمال : ههههههههههههههههه ليه هوا إنت عاوز تخلف عيال تانى
جوده : هههههههههههههههه بس لما أعوز أخلف يبقى لازم أخلف ، لا بس قولى الموضوع دا جد !
كمال : يا راجل دا كلام غير علمى ! دا لسه اللقاح فى التجارب ، يعنى أعراضه الكبيرة والنهائيه لسه مش هتظهر دلوقتى ، دى لقاحات طوارئ لمواجهة الفيروس
جوده : الله يطمنك يا كمال ! دا أنا قلبى فى رجلي
كمال : هههههههههه إيه يا جوده دا إحنا دافنينه سوا ! دا إنت بركه
جوده : وطى صوتك يا إبن الجزمه  ، إحنا هنسيح لبعض ! الله يرحم الفياجرا الصينى
كمال : ههههههههههههههه فاكرها ، ما دى هتبقى زى اللقاح سترانا ومتوفره وبسعر رخيص على ما ربنا يكرمنا ونخترع ونقدر نشترى الفياجرا الأصلى بتاعت فايزر
جوده : ههههههههههه يا إبن اللعيبه يا كمال ، الفياجرا الأصلى فايزر ، واللقاح الأصلى فايزر ، وإحنا شغالين فياجرا صينى وداخلين على لقاح صينى ، دى مؤامره ولا إيه يا كمال ؟!
كمال : مؤامرة  !! قوم يا جوده يلا نروح كفايه كدا ! إنت شكلك عبيط

ههههههههههههه ضحكات عاليه بينما يهمان بالوقوف ، طلبا من صبى القهوه أن يخبرهم بقيمة المشروبات ، وبعد أن دفعا النقود أمسكا ببعضها وأنصرفا .......