بقلم ياسر رافع
سِبح سِبح سِبح
مين يشتري مني سبح
معايا من كل صنف ولون
اراَك
فضه
بلاستيك
و كمان كهرمان
معايا سبح للبيع وللفرجه
قرب وشوف وخد فكرة
معايا سبحة تعبد بيها ربك
وسبحه تقربك للوالي
و سبحة للشهبندر الحرامي
ومعايا سبحه مولانا تلف بيها المقام
يا بلد الكل لون والملايين سارحه
بلف على كعوبي ما بعت ولا سبحه
بطلتوا تسبحوا للمولي
طيب معايا سبح للبنك الدولي
ليست هناك تعليقات:
إرسال تعليق
مرحب بكل الآراء ما عدا الآراء التي تحمل محتوى عنصري او يدعو إلى العنف او التفرقه السياسيه والاجتماعيه